10 ہزار 852 سینڈوچ قطار میں لگانے کا عالمی ریکارڈ

امریکا میں ایک خیراتی گروپ کے رضاکاروں نے 10 ہزار 852 سینڈوچ بنا کر ایک قطار میں لگانے کا گینیز عالمی ریکارڈ قائم کردیا ہے۔ امریکی ریاست ٹیکساس کے ایک خیراتی ادارے ٹینگو چیریٹیز نے سینڈوچ کی طویل قطار بنا کر گینیز عالمی ریکارڈ قائم کیا۔ ٹیکساس کے شہر آرلِنگٹن میں ادارے کے رضاکاروں نے 10 ہزار 852 سینڈوچ بنا کر ان کو قطار میں لگایا۔اس سے قبل یہ ریکارڈ جنوبی افریقا میں 2018 میں 8000 سینڈوچ کے ساتھ بنایا گیا تھا۔ اس تقریب میں اور بھی ریکارڈ قائم ہوئے ہیں جن میں ایک گھنٹے میں سب سے زیادہ سینڈوچ بننے اور ایک وقت میں سب سے زیادہ لوگوں کے سینڈوچ بنانے کے ریکارڈ شامل ہیں۔ ریکارڈ کے لیے کی گئی کوشش میں بنائے گئے سینڈوچ علاقے کے دیگر معاون خیراتی اداروں میں تقسیم کردیے جائیں گے۔