اسلام آباد: وزیر خزانہ محمد اورنگزیب چین سے 15 ارب ڈالر کے توانائی قرضوں کی ری شیڈولنگ کے اہم ترین کام کے لیے آج تین روزہ دورے پر چین جائیں گے۔ وزارت خزانہ کے ذرائع کے مطابق وزیر خزانہ توانائی کے 15 ارب ڈالر کے قرضوں کی ری شیڈولنگ پر بات کریں گے۔ قرضوں کی ری شیڈولنگ کے لیے پاکستان اور چین کے درمیان مشترکہ ورکنگ گروپ قائم کیا جا سکتا ہے، چین کے انرجی سرکلر ڈیٹ سے متعلق امور پر بھی بات کی جائے گی۔ وزارت خزانہ کے ذرائع نے مزید بتایا کہ چین کے انرجی سرکلر کے مطابق قرضوں کا حجم 500 ارب روپے کے لگ بھگ ہے، وزیر خزانہ دورہ چین کے دوران پانڈا بانڈ پر بھی بات کریں گے، پاکستان چین میں 30 ملین ڈالر کا پانڈا بانڈ حاصل کرنا چاہتا ہے۔
