لاہور:پاکستان کرکٹ بورڈ مینجمنٹ کمیٹی کے سربراہ نجم سیٹھی نے کہا ہے کہ ابھی تک ایسا کوئی فیصلہ نہیں کیا جو بابر اعظم یا ان کی کپتانی کے خلاف ہو۔نجی ٹی وی کے پروگرام میں گفتگو کے دوران نجم سیٹھی کا کہنا تھا کہ بابر اعظم سے متعلق کوئی کنفیوژن نہیں، ان کے حوالے سے میڈیا خبریں پھیلاتا رہتا ہے اس کا مطلب یہ ہرگز نہیں کہ کپتان کو فوری تبدیل کیا جا رہا ہے۔ بابر اعظم کی کپتانی سے متعلق فیصلہ ڈیٹا اور نتائج دیکھ کر ہو گا۔انہوں نے کہا کہ اگر کوئی تبدیلی کرنا ہو تو وائس کپتان لگائے جاتے ہیں، اے سی سی کے ساتھ بات چل رہی ہے سب کچھ نہیں بتا سکتا۔
