اسلام آباد: محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہے گا۔ خطہ پوٹھوہار، گلگت بلتستان، کشمیر اور بالائی خیبرپختونخوا میں چند مقامات پر بارش کا امکان ہے۔ محکمہ موسمیات کے مطابق خطہ پوٹھوہار، گلگت بلتستان، کشمیر اور بالائی خیبرپختونخوا میں مطلع جزوی طور پر ابر آلود رہنے کے ساتھ چند مقامات پر تیز ہواؤں اور گرج چمک کے ساتھ بارش کا امکان ہے۔ بارش کا امکان ہے۔پنجاب میں حافظ آباد میں 8 ملی میٹر، منڈی بہاؤالدین میں 5 ملی میٹر، لاہور میں 2 ملی میٹر بارش ریکارڈ کی گئی۔ بلوچستان کے بارکھان ریجن میں 7 ملی میٹر اور خیبرپختونخوا کے علاقے کالام میں 1 ملی میٹر بارش ریکارڈ کی گئی۔ منگل کو تربت میں زیادہ سے زیادہ درجہ حرارت 43 ڈگری سینٹی گریڈ اور سبی میں 42 ڈگری سینٹی گریڈ رہا۔
