لاہور: تیز ہوا کے بعد لاہور میں موسم خوشگوار ہوگیا۔ تفصیلات کے مطابق محکمہ موسمیات نے صوبائی دارالحکومت لاہور میں بارش کے ایک اور سپیل کی پیشگوئی کی ہے۔ یہ آج شام سے فعال ہو جائے گا۔ مون سون بارشوں کا سلسلہ آج سے 21 جولائی تک جاری رہے گا۔محکمہ موسمیات کے مطابق آج شہر کا کم سے کم درجہ حرارت 28 ڈگری سینٹی گریڈ تک جا سکتا ہے جب کہ زیادہ سے زیادہ درجہ حرارت 36 ڈگری سینٹی گریڈ تک جا سکتا ہے۔ ڈیزاسٹر مینجمنٹ اتھارٹی (این ڈی ایم اے) نے 21 جولائی تک ملک بھر میں موسلادھار بارشوں کے پیش نظر سیلاب کا خدشہ ظاہر کیا ہے۔این ڈی ایم اے کا کہنا ہے کہ کشمیر، اسلام آباد، راولپنڈی، چکوال، جہلم، گوجرانوالہ اور سیالکوٹ میں 50 ملی میٹر سے زیادہ بارش کا امکان ہے، جس سے مقامی دریاؤں میں درمیانے درجے کا سیلاب آ سکتا ہے۔ نقل و حمل میں خلل، عمارتوں، فصلوں اور مویشیوں کو نقصان پہنچ سکتا ہے۔ این ڈی ایم اے نے صوبائی ڈیزاسٹر مینجمنٹ حکام اور مقامی انتظامیہ کو چوکس رہنے کی ہدایت کی ہے۔حکام نے عوام پر زور دیا ہے کہ وہ اپنے گھروں میں نکاسی آب کو یقینی بنائیں اور شہری سیلاب سے نمٹنے کے لیے احتیاطی تدابیر اختیار کریں۔ لینڈ سلائیڈنگ کے خطرے کے پیش نظر مسافروں اور سیاحوں کو دو چار علاقوں میں سفر کرتے ہوئے محتاط رہنا چاہیے۔
