اسلام آباد: پیٹرولیم مصنوعات کی قیمتوں میں 12 روپے فی لیٹر کمی کا امکان ہے۔ ذرائع کا کہنا ہے کہ اب تک کی ورکنگ کے مطابق پیٹرول، ڈیزل اور مٹی کا تیل سستا ہونے کا امکان ہے۔ پیٹرول کی قیمت میں 9 روپے فی لیٹر سے زائد کمی کا امکان ہے جب کہ ڈیزل کی قیمت میں ساڑھے 8 روپے فی لیٹر کمی کا امکان ہے۔ذرائع کے مطابق مٹی کے تیل کی قیمت میں 12 روپے سے زائد کمی کا امکان ہے۔ اوگرا پیٹرولیم مصنوعات کی قیمتوں پر حتمی ورکنگ 15 اگست کو بھیجے گا، وزیر خزانہ نئے نرخوں کا اعلان وزیراعظم کی مشاورت سے کریں گے۔
