وزیراعلیٰ ہاؤس پشاور میں پی ٹی آئی خیبرپختونخوا کی پارلیمانی پارٹی کے اجلاس کی اندرونی کہانی سامنے آگئی۔ ذرائع کے مطابق ارکان نے وزیراعلیٰ علی امین گنڈا پور سے پوچھا کہ آپ کل رات کہاں تھے؟ جس کے جواب میں وزیر اعلیٰ نے کہا کہ سرکاری افسران سے میٹنگ ہوئی ہے، کل رات کسی نے انہیں کہیں بیٹھنے پر مجبور نہیں کیا۔ علی امین گنڈا پور کا کہنا تھا کہ باقاعدہ ملاقات ہوتی تھی لیکن جیمر کی وجہ سے رابطہ نہیں ہو پاتا تھا۔اجلاس میں فیصلہ کیا گیا ہے کہ آئندہ اجلاسوں میں مزید سخت موقف اپنایا جائے گا۔ اسمبلی فلور پر 5 ارکان کی جانب سے وفاقی حکومت اور سرکاری افسران کے خلاف سخت موقف اپنانے کا فیصلہ کیا گیا ہےخیبرپختونخوا کے مشیر اطلاعات بیرسٹر محمد علی سیف نے جیونیوز سے گفتگو کرتے ہوئے کہا کہ وزیراعلیٰ نے پارلیمانی پارٹی کو گزشتہ روز سرکاری افسران سے ہونے والی ملاقات سے آگاہ کر دیا ہے، پارلیمانی پارٹی کے اجلاس میں آئندہ کا لائحہ عمل بھی تیار کر لیا گیا ہے۔
