جنوبی کشمیر میں حریت پسند کمانڈر اعجاز احمد سمیت تین کشمیری نوجوان شہید، پلوامہ میں کرفیو حکام نے تمام مواصلاتی رابطے ، انٹرنٹ سروس بند کر دی ہے جبکہ ضلع بھر میں کرفیو لگا دیا ہے

سری نگر() جنوبی کشمیر میں بھارتی فوج نے حریت پسند کمانڈر  اعجاز احمد سمیت تین کشمیری نوجوانوں کو شہید کر دیا ہے ۔ نوجوانوں کی شہادت کے بعد پلوامہ ضلع میں کرفیو لگا دیا گیا ہے ۔ بھارتی فوج کی بھاری جمعیت نے  منگل کی شام ہی پلوامہ ضلع کے درجنوں علاقوں کو محاصرے میں لے لیا تھا ۔  منگل اور بدھ کی درمیانی رات بھارتی فوج نے تلاشی آپریشن کے دوران   اعجاز عرف ابو ہریرہ نامی  حریت پسند کمانڈر سمیت تین نوجوانوں کو شہید کر دیا ۔ قصبے میں فوجی آپریشن جاری ہے ۔  نوجوانوں کی شہیادت کی اطلاع پر شہریوں نے احتجاجی مظاہرے کیے۔ اس دوران  حکام نے تمام مواصلاتی رابطے ، انٹرنٹ سروس بند کر دی ہے جبکہ  ضلع بھر میں کرفیو لگا دیا ہے۔ ضلع میں کسی کو بھی اپنے گھر سے باہر نکلنے کی اجازت نہیں ہے۔ ۔ پولیس کی گاڑیوں میں نصب کیے گئے لاڈ اسپیکر سے عوام کو اپنے گھروں میں رہنے  کو کہا گیا ہے ۔جموں و کشمیر پولیس کے سربراہ وجے کمار نے  ایک ٹویٹ کیا ہے کہ  کہ قصبہ پلوامہ منگل اور بدھ کی درمیانی رات مسلح تصادم کے دوران تین  نوجوان مارے گئے۔