وزیراعظم کے مشیر برائے سیاسی امور رانا ثناء اللہ نے کہا ہے کہ پی ٹی آئی پر پابندی کا معاملہ فی الحال کابینہ میں زیر غور نہیں ہے۔نجی ٹی وی کے پروگرام میں گفتگو کرتے ہوئے انہوں نے کہا کہ اگر کسی جماعت پر پابندی کا کوئی مواد ہے تو اسے پہلے کابینہ کے سامنے پیش کیا جائے گا، کابینہ فیصلہ کرے گی، پھر سپریم کورٹ میں ریفرنس دائر کیا جا سکتا ہے۔ان کا مزید کہنا تھا کہ پارلیمانی جمہوری نظام میں مسائل کا حل مذاکرات سے ہوتا ہے، جب سے پی ٹی آئی کے بانی کو مقبولیت ملی ہے، انہوں نے مذاکرات سے انکار کر دیا ہے۔انہوں نے کہا کہ پی ٹی آئی کے بانی کا موقف بغاوت اور کرپشن ہے، ایجنڈا کوئی اور ہے، شاید پی ٹی آئی کے بانی اس بات کو سمجھنے سے قاصر ہیں۔سیاسی امور کے مشیر نے کہا کہ ان سے اسی لہجے اور انداز میں بات کی جائے جس طرح ان کا رویہ ہے۔ان کا کہنا تھا کہ پی ٹی آئی کے بانی بھی ایسے ہی احمقانہ خیالات رکھتے ہیں، بانی کی سوچ اور فطرت کے مطابق ہینڈل کیا جائے، راستہ اس طرح نکل سکتا ہے۔
