فلسطین کی مزاحمتی تنظیم حماس کے سربراہ اسماعیل ہنیہ ایران کے دارالحکومت تہران میں اسرائیلی حملے میں شہید ہو گئے۔غیر ملکی میڈیا کے مطابق حماس نے اسماعیل ہنیہ کی ہلاکت کی تصدیق کی ہے جو ایرانی صدر کی تقریب حلف برداری میں شرکت کے لیے ایران گئے تھے۔حماس کی جانب سے بتایا گیا ہے کہ اسماعیل ہنیہ تہران میں اسرائیلی حملے میں شہید ہو گئےمیڈیا رپورٹس کے مطابق حملے میں اسماعیل ہانیہ کا ایک محافظ بھی شہید ہوا۔دوسری جانب ایران نے اعلان کیا ہے کہ اسماعیل ہنیہ پر قاتلانہ حملے کی تحقیقات جلد سامنے لائی جائیں گی جب کہ پاسداران انقلاب نے کہا ہے کہ اسماعیل ہنیہ اور ان کے محافظ کو تہران میں ان کی رہائش گاہ پر نشانہ بنایا گیا۔
