نیوزی لینڈ کرکٹ بورڈ نے پاکستان کرکٹ بورڈ سے نیوٹرل وینیو پر کھیلنے کی کوئی بات نہیں کی، ملتوی شدہ میچوں کو نومبر 2022 میں شیڈول کیا جاسکتا ہے جب نیوزی لینڈ نے پاکستان کا دوبارہ دورہ کرنا ہے۔
ذرائع کے مطابق نہ نیوزی لینڈ کرکٹ نے پاکستان سے ملتوی شدہ میچوں کو نیوٹرل وینیو پر کھیلنے کی پیشکش کی اور نہ ہی پاکستان اپنی ہوم سیریز پاکستان کے بغیر کسی اور ملک میں کھیلےگا۔
پاکستان کرکٹ ٹیم کے پاس فی الحال فری ونڈو بھی نہیں جہاں ملتوی شدہ سیریز کو شیڈول کیاجاسکے۔ ملتوی شدہ میچوں کو نومبر 2022 میں کھیلا جاسکتا ہے جب نیوزی لینڈ نے پاکستان کا دوبارہ دورہ کرنا ہے۔
ذرائع کے مطابق آخری وقت میں دورہ ختم کرنے پر پاکستان کرکٹ بورڈ کو جو مالی نقصان کا سامنا کرنا پڑا اس حوالے سے دونوں بورڈز کے درمیان بات ہوگی جو اب تک نہیں ہوئی ہے۔
