لاہور(نیوز ڈیسک) پنجاب کے علاقے نارنگ منڈی میں بلدیہ ملازمین کی ملی بھگت سے مفت آٹا سکیم میں خردو برد ، آٹے کے 4 ہزار سے زائد تھیلے غائب، عوام کو مفت آٹا فراہم کرنے کے بجائے بلدیہ حکام نے ہوٹلوں کو فروخت کردیئے ،ذرائع کے مطابق سرکاری اہلکاروں میں سے بعض نے سرکاری آٹا اپنے عزیز واقارب میں تقسیم کردیا جبکہ مفت آٹے کے تھیلے ہوٹلوں کو سستے داموں فروخت کردیئے۔عوامی شکایات پر انتظامیہ متحرک، انکوائری کمیٹی نے فوکل پرسن آٹا پوائنٹ میاں انتظار کو قصور وار قرار دے دیا، ملزم نے آٹے کی خورد برد میں قومی خزانے کو تقریباً 51 لاکھ روپے کا نقصان پہنچایا جبکہ نارنگ منڈی پولیس نے ملزم انتظار کو گرفتار کر کے مقدمہ درج کر لیا۔ ملزم نے 10538 تھیلے وصول کیے جن میں سے صرف 6149 تھیلے تقسیم کئے، 4389 تھیلے خورد برد کئے۔
ذرائع کے مطابق آٹے کے 4 ہزار سے زائد تھیلے بلدیہ ملازمین نے اپنے قریبی عزیزوں میں بانٹ دیئے، اس کے علاوہ مفت آٹے کے تھیلے ہوٹلوں کو سستے داموں فروخت کرنے کا بھی انکشاف ہوا ہے، شہریوں کی شکایت کے بعد ضلعی انتظامیہ حرکت میں آئی، اسسٹنٹ کمشنر کی جانب سے انکوائری میں فوکل پرسن آٹا پوائنٹ میاں انتظار کو قصور وار قرار دے دیا گیا۔
