پاک فضائیہ کے شعبہ تعلقات عامہ نے خصوصی افراد کے عالمی دن کی مناسبت سے نغمہ جاری کر دیا۔ اس نغمے کو ملک کے نامور گلوکار المت آصف نے گایا ہے۔ نغمے کے بول معروف شاعر شبیر نازش نے لکھے ہیں اور موسیقی عمران زیک نے ترتیب دی ہے۔ نغمے میں پاکستان کی ترقی میں خصوصی افراد کے کردار کو اجاگر کیا گیا ہے اور سیاسی، سماجی، اقتصادی و ثقافتی زندگی کے ہر پہلو میں خصوصی افراد کے حالات کے بارے میں آگاہی پیدا کرنے کی کوشش کی گئی ہے۔ یہ دن منانے کا مقصد معاشرے اور ترقی کے تمام شعبوں میں خصوصی افراد کے حقوق اور ان کی فلاح و بہبود کو فروغ دینا ہے۔
Send an email
