کراچی: تحریک انصاف کے رکن سندھ اسمبلی ملک شہزاد اعوان نے پارٹی چھوڑنے کا اعلان کرتے ہوئے کہا ہے نو مئی کے واقعات کی مذمت کرتا ہوں۔
کراچی پریس کلب میں پریس کانفرنس کرتے ہوئے ایم پی اے ملک شہزاد اعوان نے کہا کہ آج کی پریس کانفرنس کا مقصد ملک کی سیاسی صورتحال چل رہی ہے۔نو مئی کے واقعات کی مذمت کرتا ہوں۔لاہور ، میانوالی میں جو کچھ ہوا اس کی مذمت کرتا ہوا۔
انہوں نے کہا کہ میرا مطالبہ ہے جنہوں نے اٹیک کیا ان کو عبرتناک سزا ملنی چاہیے تاکہ آئندہ کوئی ملک دشمن ہمت نہ کرسکے ۔ ہماری فوج دنیا کی عظیم فوج ہے۔مجھے اپنی فوج پر ہمیشہ سے فخر رہا ہے ۔
ملک شہزاد اعوان نے کہا کہ میرا پی ٹی آئی سے 20 سال کا تعلق ہے ۔ میں نے سوچا بھی نہیں تھا۔ہم پی ٹی آئی سے علیحدگی کا سوچ بھی نہیں سکتے تھے۔
انہوں نے مزید کہا کہ بغیر کسی دباؤ اور پریشر کے اعلان کرتا ہوں۔ 20 سال بعد آج پی ٹی آئی سے علیحدگی کا اعلان کرتا ہوں۔ نو مئی کے واقعات کے بعد جب دیکھنے کو ملا۔اس وقت شاید مقابلہ فوج کے ساتھ ہے۔ ہم اپنی پاک فوج کے ساتھ رہیں گے ۔میں ملک و قوم کی خدمت کرتا رہوں گا۔
