راولپنڈی میں سرکاری اور پرائیویٹ اسکولز میں موسم گرما کی چھٹیاں شروع ہوگئی ہیں۔
وزارت تعلیم نے چھٹیوں میں سرکاری ،پرائیویٹ اسکولوں میں سمر کیمپ پر پابندی لگا دی۔
سمر کیمپ کی چیکنگ کے لئے افسران کی ٹیمیں تشکیل دے کر وارننگ بھی جاری کردی گئی۔
چیف ایگزیکٹو آفیسر ڈسٹرکٹ ایجوکیشن اتھارٹی یاسین بلوچ نے کہا کہ کوئی اسکول سمر کیمپ نہیں لگا سکتا، راولپنڈی میں جس اسکول میں سمر کیمپ لگایا گیا اسے سیل کیا جائے گا، 21 اگست سے دوبارہ تعلیمی ادارے کھلیں گے۔
