![ملک کے کن کن علاقوں میں آج بارش ہوسکتی ہے؟ محکمہ موسمیات نے بتادیا](https://dailyghaznavi.com/wp-content/uploads/2024/06/rain-4.jpeg)
اسلام آباد (ویب ڈیسک) محکمہ موسمیات کا کہنا ہے کہ آج ملک کے بالائی علاقوں میں بارش کا امکان ہے۔محکمہ موسمیات کے مطابق خیبرپختونخوا، جنوبی وسطی پنجاب، شمال مشرقی بلوچستان، بالائی سندھ، گلگت بلتستان اور کشمیر میں چند مقامات پر گرج چمک کے ساتھ بارش ہوسکتی ہے۔دوسری جانب محکمہ موسمیات نے کہا ہے کہ بلوچستان کے بیشتر اضلاع میں موسم گرم اور خشک رہے گا۔ شمالی اضلاع میں گرد آلود ہوائیں چلنے کا امکان ہے تاہم شام اور رات خضدار، قلات، جھل مگسی، سبی، نصیر آباد، ڈیرہ بگٹی، بارکھان، موسیٰ خیل، شیرانی، ژوب اور تربت میں گرج چمک کے ساتھ بارش کا امکان ہے۔