اسلام آباد: سپریم کورٹ پریکٹس اینڈ پروسیجر ترمیمی آرڈیننس 2024 آج کابینہ میں پیش کیے جانے کا امکان ہے۔ وزارت قانون نے آرڈیننس تیار کر کے کابینہ کو بھجوا دیا۔ کمیٹی کے رکن کی عدم دستیابی کی صورت میں چیف جسٹس کسی جج کو کمیٹی کا رکن نامزد کر سکیں گے۔ پریکٹس اینڈ پروسیجر ایکٹ کے تحت تین رکنی کمیٹی بنچ تشکیل دیے جائیں گے۔ذرائع کا کہنا ہے کہ ترمیمی آرڈیننس 2024 کے نفاذ سے عدلیہ میں کسی بھی کارروائی کا ٹرانسکرپٹ تیار ہو جائے گا۔ ذرائع کے مطابق سپریم کورٹ ترمیمی آرڈیننس کے نفاذ کے بعد عدالتی کارروائی ریکارڈ ہو جائے گی اور عدالتی کارروائی عوام کے لیے دستیاب ہو گی۔ سپریم کورٹ نے 11 اکتوبر 2023 کے فیصلے میں مذکورہ ایکٹ کے سیکشن 5 کی ذیلی دفعہ 2 کو غیر آئینی قرار دیا تھا، آئین کے آرٹیکل 184 کی شق 3 کے تحت جاری حکم کے خلاف اپیل کا حق بھی آرڈیننس میں شامل کیا گیا ہے۔ .
