بیجنگ(غزنوی مانیٹرنگ) تین سال بعد ملازمین کو مسرور کرنے کے لیے ایک تقریب رکھی گئی ۔اس ضمن میں ریفل لاٹری کے ذریعے کئی تحفے دیئے گئے ہیں تاکہ ملازمین خوش ہوجائیں، ان میں چند روز کی چھٹی مع تنخواہ بھی شامل ہے جبکہ ایک ملازم کو پورے سال کی چھٹی دی گئی ہے جس میں وہ تنخواہ بھی لے سکیں گے۔ جب ملازم کو 365 دن کی چھٹی اور تنخواہ کا اعلان کیا گیا تو اسے یقین نہیں آیا۔ تاہم اسے چینی ٹک ٹاک(ڈویِن)پر پوسٹ کیا گیا جہاں سے یہ تیزی سے وائرل ہوئی ہے۔
