اسلام آباد:سی پیک کی 10 سالہ تقریبات شروع، چین کے نائب وزیراعظم ہی لی فنگ کا دورہ پاکستان،چین کے نائب وزیراعظم کی اعلیٰ سطح وفد کے ہمراہ وزیراعظم ہاؤس پہنچ گئے،وزیراعظم شہبازشریف نے معزز مہمان کا استقبال کیا۔ وزیراعظم ہاؤس میں چینی نائب وزیر اعظم کے اعزاز میں ظہرانہ دیا جا ئے گا۔سرکاری ترجمان کے مطابق چینی نائب وزیراعظم کل آرمی چیف جنرل عاصم منیر سے بھی ملاقات کریں گے ۔۔ چینی نائب وزیراعظم کا دورہ پاکستان باہمی تعاون اور اشتراک عمل کو وسعت دینے میں کلیدی کردار کا حامل ہے۔ چینی نائب وزیر اعظم سی پیک کانفرنس میں بطور مہمان خصوصی شرکت کریں گے، تقریب میں سی پیک منصوبوں پر کام کرنے والی چینی کمپنیوں کو ایوارڈز دیئے جائیں گے ۔چینی نائب وزیر اعظم کے دورے سے سی پیک کو اپ گریڈ کرنے میں مدد ملے گی۔چینی وزیر اعظم کا دورہ پاکستان، خطے میں ترقی و خوشحالی کی جانب اہم پیش فت۔ نائب وزیرِ اعظم کا دورہ پاک چین دوستی کی تجدید اور ماضی کی کامیابیوں کو آگے بڑھائے گا۔
