اسلام آباد:ترجمان دفتر خارجہ نے بدقسمت آبدوز ٹائٹن میں سوار شہزادہ داود اور ان کے بیٹے سلیمان داود کی موت پر اظہارِ افسوس کرتے ہوئے کہا کہ آبدوز حادثے کے حوالے سے افسوسناک خبر پر دائود خاندان اور دیگر مسافروں کے خاندان کے ساتھ افسوس کا اظہار کرتے ہیں۔ترجمان دفتر خارجہ کا مزید کہنا تھا کہ آبدوز کی تلاش میں گزشتہ کئی دنوں سے جاری کثیر القومی کوششوں کو سراہتے ہیں۔بدقسمت آبدوز میں سوار برطانوی پاکستانی تاجر شہزادہ داود اور ان کے بیٹے سلیمان داود کو سائنس اور دریافت کا شوق ٹائی ٹینک کے ملبے تک لے گیا۔اہل خانہ اور دوستوں کا کہنا ہے کہ سفر اور سائنس سلیمان داود کے ڈی این اے کا حصہ تھے، اپنے والد کی طرح سلیمان داود بھی سائنس میں گہری دلچسپی رکھتے تھے۔
