وزیراعظم شہباز شریف نے کہا ہے کہ ہیپاٹائٹس سے بچاؤ کے لیے فوری اقدامات کی ضرورت ہے، تاخیر کے متحمل نہیں ہوسکتے۔ہیپاٹائٹس سے آگاہی کے عالمی دن پر اپنے پیغام میں شہباز شریف نے کہا کہ ہیپاٹائٹس ایک خاموش وبا ہے جو دنیا بھر میں لاکھوں افراد کو متاثر کرتی ہے۔شہباز شریف کا کہنا ہے کہ بروقت علاج نہ کیا گیا تو سنگین پیچیدگیاں پیدا ہو سکتی ہیں۔ پاکستان کی ایک بڑی آبادی ہیپاٹائٹس سی کے انفیکشن سے متاثر ہے۔ بحیثیت قوم ہمیں ہیپاٹائٹس کی روک تھام کو ترجیح دینی ہوگی۔