بارش نے پورے پنجاب میں تباہی مچا دی، ہر طرف پانی ، لاہور ڈوب گیا،پانی ہسپتالوں،گھروں اور دفاتر میں داخل، نظام زندگی درہم برہم ،بجلی بند

بارش نے پورے پنجاب میں تباہی مچا دی، ہر طرف پانی، لاہور ڈوب گیا، پانی اسپتالوں، گھروں اور دفاتر میں داخل، نظام زندگی درہم برہم، بجلی منقطع، 400 سے زائد فیڈر ٹرپ کر گئے۔ لاہور سمیت پنجاب کے مختلف شہروں میں پانی صوبائی دارالحکومت کے اسپتالوں اور گھروں میں داخل ہوگیا۔ ترجمان موٹروے پولیس کا کہنا ہے کہ قومی شاہراہوں پر کئی مقامات پر بارش وقفے وقفے سے جاری ہے۔ جی ہاں موٹروے ایم 2 پر پنڈی بھٹیاں، شیخوپورہ، کالا شاہ کاکو اور ٹھوکر نیازبیگ تک بارش کا سلسلہ جاری ہے۔ اس کے علاوہ مانگا منڈی، پتوکی، رینالہ خورد اور اوکاڑہ کے مقامات پر بارش ہو رہی ہے۔جبکہ فیض پور سے ننکانہ صاحب تک موٹروے ایم تھری پر بارش ہے۔ لاہور میں شدید بارش کے باعث سروسز اسپتال کی ایمرجنسی میں پانی جمع ہوگیا، اسپتال کی ایمرجنسی میں بارش کا پانی جمع ہونے سے مریضوں کو شدید پریشانی کا سامنا ہے۔ لاہور کے نواحی علاقوں چوہنگ میں بھی تیز بارش ہوئی جب کہ تاج پورہ کے علاقے میں بارش کا پانی کھڑا ہوگیا۔ گھروں میں داخل ہوئے۔ محکمہ موسمیات کا کہنا ہے کہ لاہور میں وقفے وقفے سے بارش کا سلسلہ جاری ہے، مون سون کی بارشوں کا یہ سلسلہ 6 اگست تک جاری رہنے کا امکان ہے۔سب سے زیادہ 337 ملی میٹر بارش لاہور ایئرپورٹ پر ریکارڈ کی گئی۔ نشتر ٹاؤن میں 250 ملی میٹر بارش ریکارڈ کی گئی۔ واٹر اینڈ سیوریج بورڈ کے اعداد و شمار کے مطابق لاہور ایئرپورٹ پر 44 سال میں سب سے زیادہ بارش ریکارڈ کی گئی۔ادھر لیسکو حکام کا کہنا ہے کہ لاہور میں بارش کے باعث 400 سے زائد فیڈر ٹرپ کر گئے ہیں، بارش رکنے کے ساتھ ہی بحالی کا کام شروع کر دیا جائے گا۔ لاہور کے علاوہ شیخوپورہ، قصور، پاکپتن، سرگودھا، جہلم، مری، راولپنڈی، اسلام آباد کے شہروں میں موسلادھار بارش سے نشیبی علاقے زیرآب آگئے۔ لینڈ سلائیڈنگ سے جگہ جگہ درخت جڑ سے اکھڑ گئے ہیں۔