سعودی عرب کے ولی عہد شہزادہ محمد بن سلمان نے امریکی ارکان کانگریس سے کہا ہے کہ انہیں قتل کرنے کی کوشش ہو سکتی ہے۔ پولیٹیکو میگزین کے مطابق محمد بن سلمان نے امریکی ارکان کانگریس کو بتایا کہ وہ سعودی اسرائیل اور امریکہ کے تعلقات کو بحال کرنا چاہتے ہیں۔ ایک موقع پر انہوں نے مصر کے مقتول صدر انور سادات کا بھی حوالہ دیا جو اسرائیل کے ساتھ کیمپ ڈیوڈ معاہدے کے بعد مارے گئے تھے۔ شہزادہ محمد بن سلمان نے امریکی اراکین کانگریس سے یہ بھی کہا کہ وہ چاہتے ہیں کہ اسرائیل کے ساتھ کسی بھی ممکنہ معاہدے میں فلسطینی ریاست کا حقیقی راستہ شامل ہو۔ خاص طور پر ایسے وقت میں جب اسرائیل کے خلاف عربوں کا غصہ اپنے عروج پر ہے۔
0 0 1 minute read