گورنر خیبرپختونخوا کی کوئی حیثیت نہیں، علی امین گنڈاپور نے اور کیا کہہ دیا؟جانیں

وزیراعلیٰ خیبرپختونخوا علی امین گنڈا پور نے کہا ہے کہ گورنر خیبرپختونخوا کی کوئی حیثیت نہیں۔ پشاور میں میڈیا سے گفتگو کرتے ہوئے علی امین گنڈا پور نے کہا کہ وفاقی حکومت کو صوبے کے منصوبوں میں کٹوتی نہیں کرنے دیں گے۔ علی امین گنڈا پور نے کہا کہ ہمارے دور میں بجلی 16 روپے فی یونٹ تھی، آج 64 روپے فی یونٹ ہے، بجلی کے بلوں کے لیے لیا گیا پیسہ کہاں جارہا ہے؟ علی امین گنڈا پور نے مزید کہا کہ تمام کیسز جعلی ثابت ہو رہے ہیں، سائفر میں کچھ نہیں، ہم نے پہلے کہا تھا۔