*پاکستان کی بڑھتی ہوئی آبادی اور انتظامی ضروریات کے پیشِ نظر نئے صوبوں کا قیام ناگزیر ہو چکا ہے۔ وفاقی وزیر مواصلات عبدالعلیم خا
وفاقی وزیر مواصلات عبدالعلیم خان کا کہنا ہے کہ پاکستان کی بڑھتی ہوئی آبادی اور انتظامی ضروریات کے پیشِ نظر نئے صوبوں کا قیام ناگزیر ہو چکا ہے۔ انہوں نے ان خیالات کا اظہار ایکس پر اپنے ایک پیغام میں کیا۔
انہوں نے کہا کہ
"میں سمجھتا ہوں کہ پاکستان کی بڑھتی ہوئی آبادی اور انتظامی ضروریات کے پیشِ نظر نئے صوبوں کا قیام ناگزیر ہو چکا ہے۔
اب وقت آگیا ہے کہ موجودہ چار صوبوں — پنجاب، سندھ، خیبرپختونخوا اور بلوچستان — کو تین تین انتظامی حصوں میں تقسیم کیا جائے، جنہیں ان ہی صوبوں کے نام کے ساتھ نارتھ، سینٹرل اور ساؤتھ کہا جائے۔
یہ نئی انتظامی تقسیم عوامی مسائل کے حل کو اُن کی دہلیز تک پہنچائے گی، انتظامی کارکردگی کو بہتر بنائے گی اور چیف سیکریٹری، آئی جی اور ہائی کورٹ جیسے اداروں کو زیادہ مؤثر طور پر کام کرنے کے قابل بنائے گی۔
گزشتہ کئی دہائیوں سے نئے صوبوں کی بات صرف سیاست اور نعروں تک محدود رہی۔ اب وقت ہے کہ باہمی مشاورت اور سنجیدگی سے اس وژن کو حقیقت میں بدلا جائے۔
نئے صوبے پاکستان کو تقسیم نہیں کریں گے بلکہ قومی یکجہتی کو مضبوط، معیشت کو مستحکم اور علاقائی ترقی کو متوازن بنائیں گے۔
آئیے ہم سب مل کر عوام دوست اور انتظامی طور پر قابلِ عمل صوبوں کی تشکیل کی راہ ہموار کریں، تاکہ ہر شہری کا مسئلہ اُس کی دہلیز پر حل ہو سکے۔”
