نیوزی لینڈ کرکٹ ٹیم کے ٹم ساؤتھی نے ٹیسٹ کپتانی سے استعفیٰ دے دیا ہے۔اس حوالے سے نیوزی لینڈ کرکٹ کا کہنا ہے کہ ٹم ساؤتھی کی جگہ ٹام لیتھم کو ٹیسٹ کپتان مقرر کیا گیا ہے۔ٹام لیتھم ماضی میں 9 ٹیسٹ میچوں میں نیوزی لینڈ کرکٹ ٹیم کی کپتانی کر چکے ہیں۔ٹام لیتھم بھارت کے خلاف ٹیسٹ سیریز کے لیے 15 رکنی اسکواڈ کی قیادت کریں گے۔ٹم ساؤتھی نے 14 ٹیسٹ میچوں میں نیوزی لینڈ کرکٹ ٹیم کی قیادت کی جس میں سے اس نے 6 جیتے اور 6 ٹیسٹ میچ ہارے جب کہ دو میچ ڈرا ہوئے۔بھارت اور نیوزی لینڈ کے درمیان 3 ٹیسٹ میچوں کی سیریز کا پہلا ٹیسٹ 16 اکتوبر سے بنگلورو میں کھیلا جائے گا۔
