پاکستان ویمن کرکٹ ٹیم کا کوچنگ سٹاف تبدیل کر دیا گیا، کرکٹ بورڈ نے محمد وسیم کو ہیڈ کوچ مقرر کر دیا۔پاکستان کرکٹ بورڈ کے مطابق سابق ٹیسٹ بولرز عبدالرحمان اور جنید خان بالترتیب اسپن بولنگ کوچ اور اسسٹنٹ کوچ ہوں گے۔آئندہ ماہ منعقد ہونے والے اے سی سی ویمنز ٹی ٹوئنٹی ایشیا کپ 2024 کے سلسلے میں پاکستان ویمن ٹیم کا 4 روزہ تربیتی کیمپ بدھ کو حنیف محمد ہائی پرفارمنس سینٹر کراچی میں شروع ہوا۔خواتین کی قومی سلیکشن کمیٹی نے کیمپ کے لیے 28 کرکٹرز کو مدعو کیا ہے، کمیٹی کیمپ میں کھلاڑیوں کی کارکردگی کا جائزہ لینے کے بعد سری لنکا میں ہونے والے ایونٹ کے لیے سکواڈ کا اعلان کرے گی۔ خواتین کھلاڑی جمعہ کو نیشنل بینک سٹیڈیم میں پریکٹس سیشن میں بھی حصہ لیں گی جبکہ وہ جمعرات اور ہفتہ کو معین خان کرکٹ اکیڈمی میں دو ٹی ٹوئنٹی پریکٹس میچ کھیلیں گی۔
