قذافی سٹیڈیم کی مرکزی عمارت کو گرانے کا کام مکمل کر لیا گیا، چیمپئنز ٹرافی 2025 کی میزبانی کے لیے قذافی سٹیڈیم کو اپ گریڈ کرنے کا منصوبہ بنایا گیا تھا۔قذافی سٹیڈیم لاہور کی منہدم ہونے والی مرکزی عمارت کا ملبہ ہٹانے کا کام جاری ہے، آئندہ چند روز میں ملبہ مکمل طور پر ہٹا دیا جائے گا۔چیمپئنز ٹرافی سے قبل اپ گریڈیشن کا کام مکمل کرنے کے لیے ان دنوں اسٹیڈیم میں کام ڈبل شفٹوں میں جاری ہے جب کہ گراؤنڈ اسٹاف معمول کے مطابق گراؤنڈ کی تیاری میں مصروف ہے۔چیئرمین پی سی بی محسن نقوی نے کام کی رفتار تیز کرنے اور کوئی غلطی نہ کرنے کی ہدایات جاری کی ہیں۔
