سینیٹر فیصل واوڈا نے جنرل (ر) فیض حمید کی فوجی تحویل اور ان کے خلاف کورٹ مارشل کی کارروائی شروع کرنے پر ردعمل کا اظہار کرتے ہوئے کہا کہ فیض حمید اور پاکستان تحریک انصاف (پی ٹی آئی) ایک ہی نام ہیں۔ ہاں بات دور تک جائے گی، اب بہت سے بت گریں گے۔ نجی ٹی وی سے بات کرتے ہوئے سینیٹر فیصل واوڈا نے کہا کہ یہ صرف کرپشن کے حوالے سے نہیں ہوگا، پی ٹی آئی کی اعلیٰ قیادت بھی اس کا حصہ ہے۔ فیض آباد دھرنا کیس بہت چھوٹا ہے، بانی پی ٹی آئی اور پی ٹی آئی آنے والے دنوں میں زمین پر لیٹیں گے۔فیصل واوڈا کا کہنا تھا کہ یہ پاکستان کے لیے بہت بڑا فیصلہ ہے، جس نے ملک کو نقصان پہنچایا اس کا احتساب ہوگا، فیض حمید اور تحریک انصاف ایک نام ہیں، جب پاکستان حقیقی معنوں میں ترقی کر رہا ہو تو ہمیں جشن منانا چاہیے۔ ہوتا رہا ہے، سیاست کریں اور اداروں کو کام کرنے دیں، ہم سب کا یہی وطیرہ ہونا چاہیے، اب ملک میں احتساب کا عمل نظر آئے گا۔
