تائیوان میں 6.3 شدت کے زلزلے کے جھٹکے محسوس کیے گئے۔غیر ملکی میڈیا رپورٹس کے مطابق زلزلے کے جھٹکے تائیوان کے مشرقی شہر ہوالین سے 34 کلومیٹر دور محسوس کیے گئے جس سے دارالحکومت تائی پے کی عمارتیں لرز اٹھیں۔تائیوان کی موسمیاتی انتظامیہ کے مطابق زلزلہ مقامی وقت کے مطابق صبح 7:35 پر 9.7 کلومیٹر (6.02 میل) کی گہرائی میں محسوس کیا گیا۔جمعرات کی رات دیر گئے تائیوان کے شمال مشرقی ساحل پر 5.7 شدت کے زلزلے کے بعد گزشتہ 24 گھنٹوں میں تائیوان کے جزیرے پر آنے والا یہ دوسرا زلزلہ تھا۔تائیوان کے حکام کے مطابق زلزلے سے فوری طور پر کسی نقصان کی کوئی اطلاع نہیں ہے۔
