وزیراعلیٰ خیبرپختونخوا علی امین گنڈا پور نے آپریشن اعظم ستہ کے معاملے پر پارٹی ارکان پارلیمنٹ کو اعتماد میں لینے کا فیصلہ کیا ہے۔ذرائع کے مطابق علی امین گنڈا پور اپیکس کمیٹی کے اجلاس کی کارروائی پر اراکین کو اعتماد میں لیں گے۔پی ٹی آئی کے ارکان اسمبلی آج وزیراعلیٰ خیبرپختونخوا سے کے پی ہاؤس میں ملاقات کریں گے، ارکان اسمبلی وزیراعلیٰ خیبرپختونخوا کو آپریشن ریزولوشن سے متعلق تحفظات سے آگاہ کریں گے۔ذرائع کا کہنا ہے کہ علی امین گنڈا پور ارکان پارلیمنٹ کو ایپکس کمیٹی کی کارروائی سے آگاہ کریں گے۔واضح رہے کہ دو روز قبل وزیرِ اعظم شہباز شریف کی زیر صدارت نیشنل ایکشن پلان کی ایپکس کمیٹی کا اجلاس ہوا تھا جس میں انسدادِ دہشت گردی کے لیے آپریشن عزم استحکام کی منظوری دی گئی تھی۔
