مجھ پر دوبارہ بھی حملہ ہوسکتا ہے،خدشات کے باوجود زخمی ٹانگ کے ساتھ لانگ مارچ کی قیادت کرتے ہوئے پنڈی پہنچوں گا۔۔۔عمران خان نے ایک مرتبہ پھر بڑا دعویٰ کر دیا

اسلام آ باد(نیوزڈیسک )پاکستان تحریک انصاف (پی ٹی آئی) کے چیئرمین عمران خان نے کہا ہے کہ مجھ پر دوبارہ بھی حملہ ہوسکتا ہے لیکن تمام خدشات کے باوجود راولپنڈی پہنچوں گا۔لاہور زمان پارک میں صحافیوں سے ملاقات میں گفتگو کرتے ہوئے عمران خان کا کہنا تھاکہ لانگ مارچ اسلام آباد سے راولپنڈی کیوں جا رہا ہے، حکمت عملی جلد سامنے آجائے گی۔ان کا کہنا تھاکہ مجھے پتاہے میرے زخم جلدی ٹھیک نہیں ہوسکتے لیکن زخمی ٹانگ کے ساتھ لانگ مارچ کی قیادت کروںگا۔انہوں نے کہا کہ آرمی چیف کی تقرری میرٹ پر ہونیکا قائل ہوں، سیاسی جماعتیں عوامی حمایت کھوچکیں اسلیےالیکشن سےفرارچاہتی ہیں۔لانگ مارچ کے حوالے سے سابق وزیراعظم نے کہاکہ پتا ہے میری جان خطرے میں ہے اور دوبارہ حملہ بھی ہوسکتا ہے لیکن تمام ترخدشات کے باوجود راولپنڈی پہنچوںگا۔انکا مزید کہنا تھاکہ صحافی ارشد شریف کے قاتلوں کو انجام تک پہنچایا جائے۔خیال رہے کہ سابق وزیراعظم عمران خان نے 26 نومبر کو پنڈی میں پہنچے کا اعلان کیا ہے۔