ڈی سی اسلام آباد نے پٹرولیم مصنوعات کی قیمتوں میں کمی کے بعد پبلک ٹرانسپورٹ کے کرایوں میں کمی کی منظوری دے دی۔ اسسٹنٹ کمشنرز کو کل سے گاڑیوں کے کرائے چیک کرنے کی ہدایت کی گئی ہے۔
ڈی سی اسلام آباد عرفان میمن نے 30 کلومیٹر سے زائد سفر کے لیے کرایہ 10 روپے کم کرنے کا فیصلہ کیا ہے۔ تمام گاڑیوں کی فرنٹ سکرین پر کرایہ چسپاں کرنا لازمی قرار دیا گیا ہے۔یہ فیصلہ ٹرانسپورٹ یونین کے وفد سے ملاقات میں کیا گیا، ٹرانسپورٹ یونین نے بھی کرایوں میں کمی پر تعاون کی یقین دہانی کرائی۔فیصلے کے مطابق کرایوں میں کمی نہ کرنے والی گاڑیوں کے خلاف کارروائی کی جائے گی، ڈی سی اسلام آباد نے تمام اسسٹنٹ کمشنرز کو اتوار سے گاڑیوں کے کرائے چیک کرنے کی ہدایت کردی۔
0 0 1 minute read