لاہور: وزیراعلیٰ مریم نواز نے پنجاب کی تاریخ کے سب سے بڑے ٹیکس فری سرپلس بجٹ کی منظوری دے دی۔ وزیراعلیٰ آفس نے پنجاب کے بجٹ سے متعلق اعلامیہ جاری کردیا۔ وزیراعلیٰ پنجاب مریم نواز کی زیر صدارت صوبائی کابینہ کا 9واں اجلاس ہوا، جس میں پنجاب کی تاریخ کے سب سے بڑے ٹیکس فری سرپلس بجٹ کی منظوری دی گئی۔ اعلامیے کے مطابق بجٹ میں کوئی نیا ٹیکس نہیں ہے اور نہ ہی موجودہ ٹیکسوں کی شرح میں کوئی اضافہ کیا گیا ہے، کم از کم اجرت 32 ہزار سے بڑھا کر 37 ہزار روپے، تنخواہوں میں 20 سے 25 فیصد اور 15 فیصد اضافہ کیا گیا ہے۔ پنشن میں منظوری دی گئی ہے.
