وزیراعلیٰ مریم نواز نے پنجاب ہوناہر میرٹ سکالرشپ پروگرام کی منظوری دے دی۔ وزیراعلیٰ پنجاب نے میرٹوریس وظائف کی تعداد 4 ہزار سے بڑھا کر 25 ہزار کرنے کی ہدایت کی ہے، سرکاری اور 8 نجی یونیورسٹیوں سے بی ایس کرنے والے طلبہ کی فیس کا 100 فیصد اسکالرشپ سے ادا کیا جائے گا۔ جہلم، وہاڑی اور بہاولنگر میں نئی یونیورسٹیوں کے فوری قیام کی بھی منظوری دی گئی۔ وزیر اعلیٰ مریم نواز شریف نے لیپ ٹاپ سکیم کو فوری جاری کرنے کی ہدایات جاری کر دی ہیں۔ اسی طرح طلباء کی کم تعداد والے کالجز میں نئے ڈسپلن متعارف کرانے کا فیصلہ کیا گیا ہے، جاب مارکیٹ کی ضروریات سے متعلق ڈسپلن متعارف کرائے جائیں گے۔ ڈویژنل ڈائریکٹرز اور پرنسپلز کی تقرری کے لیے آن لائن پورٹل سسٹم متعارف کرانے کا فیصلہ کیا گیا ہے۔
0 20 1 minute read