چیئرمین ایتھلیٹکس فیڈریشن آف پاکستان نے پیرس اولمپکس میں ریکارڈ ساز کارکردگی پر قومی ہیرو ارشد ندیم کے لیے بڑا اعلان کر دیا۔میجر جنرل (ر) محمد اکرم ساہی نے جیولن تھرور ارشد ندیم کو اہل خانہ سمیت عمرہ کرنے کا اعلان کر دیا۔چیئرمین ایتھلیٹکس فیڈریشن آف پاکستان نے اپنے بیان میں کہا کہ ارشد ندیم اور ان کے اہل خانہ کو تقریبات مکمل کرنے کے بعد عمرے پر روانہ کیا جائے گا۔واضح رہے کہ ارشد ندیم نے پیرس اولمپکس کے جیولن مقابلے میں 92.97 میٹر کی ریکارڈ تھرو پھینک کر پاکستان کے لیے گولڈ میڈل جیتا۔
