امریکی صدر جو بائیڈن نے توقع ظاہر کی ہے کہ ایران غزہ میں جنگ بندی کی صورت میں حماس کے رہنما اسماعیل ہنیہ کے قتل کا بدلہ نہیں لے گا۔ امریکی صدر نے یہ بات نیو اورلینز میں صحافیوں سے گفتگو کرتے ہوئے کہی۔امریکی محکمہ خارجہ کے ترجمان ویدانت پٹیل نے بھی کہا کہ یرغمالیوں کی رہائی اور غزہ جنگ بندی معاہدے سے ایسا ماحول پیدا ہوگا جس میں خطہ تشدد کے چکر سے نکل سکتا ہے۔اسرائیلی میڈیا کے مطابق ایرانی حکومت جوابی کارروائی کی نوعیت کے بارے میں مغربی ممالک اور امریکہ کے ساتھ بات چیت میں مصروف ہے۔
