وزیراعظم شہباز شریف نے پیٹرولیم مصنوعات کی قیمتوں میں بڑی کمی کی منظوری دے دی۔ اسلام آباد سے ذرائع کے مطابق پیٹرول کی قیمت میں 10 روپے فی لیٹر جبکہ ڈیزل کی قیمت میں 13 روپے 6 پیسے فی لیٹر کمی کی گئی ہے۔ ذرائع کے مطابق مٹی کے تیل کی قیمت میں 11 روپے 15 پیسے فی لیٹر کمی کی گئی ہے۔ گیا اور لائٹ ڈیزل آئل کی قیمت میں 12 روپے 12 پیسے کمی کی گئی ہے۔وزارت خزانہ نے قیمتوں میں کمی کا نوٹیفکیشن بھی جاری کردیا ہے جس کے مطابق نئی قیمتوں کا اطلاق آج رات 12 بجے سے ہوگا۔ پیٹرول کی نئی قیمت 249 روپے 10 پیسے فی لیٹر جبکہ ڈیزل کی نئی قیمت 249 روپے 69 پیسے فی لیٹر مقرر کی گئی ہے۔ . مٹی کے تیل کی نئی قیمت 158 روپے 47 پیسے فی لیٹر جبکہ لائٹ ڈیزل آئل کی نئی قیمت 141 روپے 93 پیسے فی لیٹر مقرر کی گئی ہے۔
