نیشنل گرڈ میں خرابی کراچی سمیت ملک کے بیشتر حصوں میں بجلی کا بڑا بریک ڈان

نیشنل گرڈ میں خرابی کے باعث کراچی سمیت ملک کے مختلف علاقوں میں بجلی کے بڑے بریک ڈان کے باعث متعدد علاقوں میں بجلی غائب ہوگئی تھی جسے بحال کردیا گیا ہے۔ کراچی میں بجلی کا بریک ڈان حبکو جامشورو ٹرانسمیشن لائن کی ٹرپنگ کی وجہ سے ہوا، جس کے باعث کے الیکٹرک کے تمام فیڈرز بند ہوگئے تھے۔ ترجمان کے الیکٹرک کا کہنا تھا کہ واپڈا سے کراچی کو بجلی کی فراہمی معطل ہوگئی ہے جس کے باعث پورے شہر کو بجلی کی سپلائی بندہوگئی ہے جبکہ ملک کے دیگر شہروں میں بھی بجلی کی عدم فراہمی کی اطلاعات موصول ہوئیں۔ ترجمان کا مزید کہنا تھا کہ بجلی بندش کی وجوہات کی تحقیقات کے ساتھ ٹیمز بحالی کے لئے متحرک ہیں جبکہ صارفین مزید رہنمائی کے لئے کے الیکٹرک کے سوشل میڈیا پلیٹ فارم سے رابطہ کرلیں۔ کراچی کے جو علاقے بجلی سے محروم ہوئے ان میں ناظم آباد، نارتھ ناظم آباد، گلشنِ اقبال، بہادرآباد، لسبیلہ، پٹیل پاڑہ، محمود آباد، اعظم بستی، ڈیفنس، پی ای سی ایچ ایس، لیاقت آباد، نشتر روڈ اور اطراف کے علاقے شامل تھے۔ دوسری جانب حیدر آباد سمیت سندھ کے دیگر علاقوں میں بجلی فراہمی معطل ہونے پر ترجمان حیسکو کا کہنا تھا کہ بجلی کی فراہمی بحال ہونے سے متعلق این ٹی ڈی سی حکام سے رابطے کررہے ہیں۔فوری طور پر بجلی کی بحالی کا ٹائم فریم نہیں دیا جاسکتا۔ وزرات توانائی کی جانب سے جاری کردہ بیان میں کہا گیا تھا کہ ملک کے جنوبی ٹرانسمیشن سسٹم میں حادثاتی خرابی ہوئی ہے جس سے متعدد جنوبی پاور پلانٹس مرحلہ وار ٹرپ ہو رہے ہیں۔ وزارت توانائی نے کہا تھا کہ اپنی پوری تندہی سے خرابی کی وجہ کی تفتیش کررہی ہے اور جلد از جلد بجلی کے نظام کو مکمل بحال کر لیاجائیگا۔واضح رہے کہ میرپور، منگلا پاور ہاس میں تکنیکی خرابی جبکہ کوٹلی ریجن بھی بجلی کی ترسیل معطل ہوگئی تھی۔