اسلام آباد:وزیراعظم عمران خان نے کہا ہے کہ جب وزیراعظم کرپشن کرتا ہے ملک کو تباہ کر دیتا ہے،میں واحد سیاست دان ہوں، جو جی ایچ کیو کی نرسری سے نہیں آیا۔
نجی ٹی وی چینل کو انٹر ویو دیتے ہوئے وزیراعظم عمران خان کا کہنا تھا کہ2013 میں دھاندلی ہوئی تھی،جس میں پورا سسٹم ملوث تھا،ہم ایک سال تک دھاندلی کے ثبوت دیتے رہے،یہ دو سال سےلگےہوئے ہیں دھاندلی ہوئی ہے لیکن ثبوت کوئی نہیں دیے، ہم نے دھاندلی پر کمیٹی بنادی،یہ سب بھاگ گئے،فیفن کی رپورٹ کےمطابق گزشتہ الیکشن بہترین انتخاب تھا، 35 سال سے یہ لوگ بیٹھے ہوئے ہیں،ہم آبھی جاتے ہیں،لیکن ان کے لوگ جڑوں میں بیٹھے ہوئے ہیں، ایک ادارہ بتائیں جس کو انہوں نے تباہ نہیں کیا،کچھ اداروں میں ہم کچھ کر نہیں سکتے، یہ سارے کہہ رہےاگر آپ نے چلنا ہےتوہمیں این آر او دیں،پہلے میسج بھجواتے تھے، اگر اسمبلی چلانی ہے تو ڈائیلاگ کرنا پڑےگا،پارلیمانی جمہوریت میں ریفارمز کےلیے بھاری اکثریت ہونا ضروری ہے،جب آپ ریفارمز کرتے ہیں اور آپ کےپاس اکثریت نہ ہوتوسب اکھٹے ہوجاتے ہیں، ایک کمزورحکومت کےلیےریفارمزلانا بہت مشکل ہوتاہے۔
انہوں نے مزید کہا کہ وزیراعظم کرپشن کرتا ہے تو ملک کو تباہ کردیتا ہے۔جب تک ویراعظم اور وزراء کو احتساب کا ڈر نہیں ہوگا۔ ملک ترقی نہیں کرسکے گا، میں واحد سیاست دان ہوں، جو جی ایچ کیو کی نرسری سے نہیں آیا۔
عمران خان نے مزید کہا کہ دنیا کی تاریخ اٹھا کردیکھیں، جوتہذیب ترقی کرتی ہیں،وہ تجزیہ کرتی ہیں،ریاست مدینہ اصولوں پر بنائی گئی تھی،ریاست مدینہ کی دنیا میں مثال نہیں ملتی،نیا پاکستان کا مطلب ریاست مدینہ کا ماڈل تھا،جن قوموں نے ترقی کی،قانونی کی بالادستی کی وجہ سے کی،جو قوم آگے بڑھتی ہے،اس میں قانونی کی بالادستی ہوتی ہے،چینی نے نیا نظام متعارف کرایا، نیچے سےلوگوں کو اوپراٹھایا،چین نے ریاست مدینہ کا ماڈل فالو کیا اور ترقی کی، بچوں کو سکولوں میں مدینہ کی ریاست پڑھائی جائے گی، مدینہ کی ریاست میں جو بند اچھا کام کرتا تھا وہ جنرل بن جاتا تھا۔
ایک سوال کے جواب میں عمران خان کا کہنا تھا کہ مشرف سے زیادہ طاقت ور کوئی نہیں تھا،مشرف نے نواز شریف کو این آراو دیا، ان دو لوگوں کو این آر اوسے جتنا نقصان پہنچا ہے،کبھی نہیں پہنچا ہوگا، ان کی صرف ایک ہی ڈیمانڈ ہےکہ این آراو دےدوں،ان کے ایک آدمی کو این آر او نہیں دوں گا،براڈ شیٹ میں بھی این آراو کی بات سامنے آئی ہے،ہم براڈ شیٹ والوں سے مکمل تفصیلات لےرہےہیں۔
ان کا مزید کہنا تھا کہ جمہوریت میں کابینہ کا فیصلہ سب پر لاگو ہوتاہے، میں سارے فیصلے میرٹ پرکرتاہوں، کابینہ کےفیصلےخلاف اگرجانا ہےتو استعفا دے دیں، اگر کوئی کابینہ کےفیصلے نہیں مانتا تو مستعفی ہوجائے،ندیم افضل چن نےاستعفادیا،اس کی وجوہات ہوں گی،میں نےندیم افضل چن سے استعفا نہیں مانگا۔
ایک سوال کےجواب میں وزیراعظم کا کہنا تھا کہ ان کا فارن فنڈنگ کیس پر آنا خوش آئند ہے، میں الیکشن کمیشن سے درخواست کرتا ہوں کہ سب کی آڈٹ رپورٹ سامنے رکھیں،جو چوروں کا ٹولہ ہے، جتنا زیادہ شور مچاتا ہےاتنا بڑا چورہوتاہے،ہماری پارٹی فنڈنگ کے ساتھ ساتھ ان کی فنڈنگ بھی سامنے آنی چاہیےکیونکہ فنڈنگ کا معاملہ انہوں نےکھول دیا ہےسب کے سامنےآنا چاہیے،یہ نام چینی والا،پاپڑ والا جیسے نہیں ہوں گے،پی ٹی آئی کو 40ہزارسےزیادہ افراد نے پیسے دیے ہیں،سب سے زیادہ پیسہ باہر کے ملکوں سے آیا، پاکستانی عوام سے سب سے زیادہ پیسا میں نے اکٹھا کیا ہے،میں گارنٹی سے کہتا ہوں،ان دونوں پارٹیوں نے باہر سےپیسے لیے ہیں،دو ملکوں نےمجھے فنڈنگ آفر کی ہے،ان میں اسرائیل شامل نہیں اور شیخ رشید ان ملکوں کے نام بتا سکتے ہیں۔
