لاہور(نیوزڈیسک)صد ر تحریک انصاف پنجاب چوہدری پرویز الٰہی کا گرفتار فرنٹ مین ملزم سہیل اصغر گوجرانوالہ پولیس سٹیشنمیں اینٹی کرپشن حکام کی حراست سے فرار ہونے میں کامیاب ہوگیا۔ ملزم کو سابق وزیرِ اعلیٰ پنجاب چوہدری پرویز الہٰی کے خلاف اینٹی کرپشن کیس میں گرفتار کیا گیا تھا۔ ملزم سہیل اصغر جسمانی ریمانڈ پر اینٹی کرپشن پولیس کی حراست میں تھا۔ حکام کا کہنا ہے کہ ملزم کو طبیعت خراب ہونے پر ہسپتال منتقل کیا جا رہا تھا کہ ڈالے پر سوار نامعلوم ملزمان نے سرکاری گاڑی کو زبردستی روک لیا ، ملزم سہیل اصغر کو زبردستی چھڑا کر فرار ہو گئے۔
