اسلام آباد (نیوز ڈیسک) کورونا وائرس کی وجہ سے وفاقی سرکاری تعلیمی اداروں کی بندش میں 6 جون تک توسیع کر دی گئی ہے۔ اس حوالے سے وفاقی نظامت تعلیمات نے نوٹیفکیشن جاری کر دیا ہے۔7 جون کو تعلیمی ادارے ادارے کھولنے سے متعلق حتمی فیصلہ نیشنل کمانڈ اینڈ آپریشن سینٹر (این سی او سی) کے 3 جون کو ہونے والے اجلاس میں کیا جائے گا۔کورونا وائرس کیسز کی شرح تقریبا چھ فیصد ہونے کی وجہ سے وفاقی تعلیمی اداروں کی بندش میں توسیع کی گئی ہے۔خیال رہے کہ نیشنل کمانڈ اینڈ آپریشن سینٹر (این سی او سی) نے پانچ فیصد سے کم کورونا مثبت والے اضلاع میں تعلیمی ادارے کھولنے کا فیصلہ کیا ہے، ان اضلاع میں تمام سکول 24 مئی کو کھل جائیں گے۔اس کے علاوہ این سی او سی نے 150 افراد کے ساتھ آؤٹ ڈور شادی تقریبات کی بھی اجازت دینے کا فیصلہ کیا ہے جبکہ سیاحت کا شعبہ بھی کھولنے کی اجازت دیدی گئی ہے تاہم ایس او پیز پر سختی سے عملدرآمد یقینی بنایا جائے گا۔این سی او سی نے چوبیس مئی سے آؤٹ ڈور ریسٹورنٹس بھی کھولنے کی اجازت دینے کا فیصلہ کیا۔ ریسٹورنٹس رات بارہ بجے تک کھلے رہیں گے جبکہ ٹیک آوے کی اجازت چوبیس گھنٹے ہوگی۔مزارات، سینما ہالز، ان ڈور ڈائننگ، ان ڈور جم اور تفریحی پارکس بند رہیں گے۔ تاہم واکنگ اور جوگنگ ٹریکس ایس او پیز کے ساتھ کھلے رہیں گے۔ان ڈور اور آؤٹ ڈور ثقافتی، میوزیکل، مذہبی اور دیگر اجتماعات پر بھی پابند ی رہے گی جبکہ بین الصوبائی سرکاری ٹرانسپورٹ ہفتہ اور اتوار کو بند رہے گی۔ یہ ٹرانسپورٹ بائیس مئی سے ہفتہ میں دو دن بند ہوگی۔
Send an email
