لاہور: عالمی شہرت یافتہ گلوکار علی ظفر نے 40 سال بعد اولمپکس میں پاکستان کے لیے گولڈ میڈل جیتنے والے پاکستانی اولمپیئن ارشد ندیم کے لیے ایوارڈ کا اعلان کردیا۔علی ظفر نے سماجی رابطے کی ویب سائٹ X (سابقہ ٹویٹر) پر ارشد ندیم کے نام ایک خصوصی پوسٹ جاری کی جس میں انہوں نے کہا کہ ارشد ندیم نے 92.97 کے تھرو سے نہ صرف پاکستان کے لیے گولڈ میڈل جیتا بلکہ اولمپکس کی تاریخ بھی رقم کی۔ میٹر ایک ریکارڈ قائم ہو گیا، اس تاریخی کامیابی پر میں اپنی فاؤنڈیشن کے ذریعے ارشد ندیم کو 10 لاکھ روپے کا انعام دوں گا۔انہوں نے یہ بھی کہا کہ حکومت پاکستان اور پوری قوم کو ارشد ندیم کا شاندار استقبال کرنا چاہیے۔واضح رہے کہ پاکستان کو اولمپکس میں کوئی بھی تمغہ جیتے ہوئے 32 سال ہوچکے ہیں، آخری بار پاکستان نے 1992 کے بارسلونا اولمپکس میں ہاکی میں کانسی کا تمغہ جیتا تھا۔پاکستان نے آخری گولڈ میڈل 40 سال قبل 1984 میں ہاکی ٹیم نے جیتا تھا۔فائنل مقابلے کے دوران ارشد ندیم اپنی پہلی باری میں تھرو نہ کر سکے لیکن دوسری باری میں انہوں نے 92.97 میٹر پھینکا جو اولمپکس کی تاریخ میں اب تک کی سب سے بڑی تھرو ہے۔
