معروف پاکستانی گلوکار،کمپوزر اور میوزک ڈائریکٹر ساحر علی بگا کی اذان کے احترام میں کنسرٹ روکنے کی ویڈیو کو کافی پسند کیا جا رہا ہے۔سوشل میڈیا پر مقبول ہونے والی ویڈیو میں دیکھا جاسکتا ہے کہ ساحر علی بگا اسٹیج پر اپنا اور آئمہ بیگ کا گانا مست ملنگ گارہے ہیں کہ اتنے میں اذان کی آواز گونج اٹھتی ہے۔ساحر علی بگا اذان کی آواز سن کر کہتے ہیں کہ میوزک بند کریں جب کہ حاضرین کو بھی خاموش ہونے کا کہتے ہیں۔
یہ بھی پڑھیں
آئمہ بیگ کنسرٹ کے دوران آگ کی زد میں آنے سے بال بال بچ گئیں
لندن میں عطاء اللہ کا کنسرٹ بدنظمی کا شکار ، گلوکار شو چھوڑ کر چلے گئے
خاتون سے بدتمیزی پر عاطف اسلم کنسرٹ ادھورا چھوڑ کر چلے گئے
گلوکار کو یوں اذان کا احترام کرنے پر سوشل میڈیا صارفین کی جانب سے خوب پذیرائی حاصل ہورہی ہے جب کہ سوشل میڈیا کے کئی پلیٹ فارمز پر ان کی ویڈیو تیزی سے وائرل ہورہی ہے۔واضح رہے کہ حالیہ دنوں میں کنسرٹ میں شرکاء کی جانب سے ہونے والی بدنظمی کے کئی واقعات سامنے آئے جن میں عاطف اسلم، عطا اللہ، طلحہٰ انجم اور آئمہ بیگ کا کنسرٹ شامل تھا۔
Send an email
